Drejtori i Departamentit të Teknologjisë Informative është bartës kyç i zhvillimit digjital në Universitetin e Prishtinës, duke udhëhequr transformimin teknologjik dhe duke garantuar funksionimin e sigurt, efikas dhe modern të sistemeve informatike universitare.

Detyrat kryesore

• Udhëheq dhe zhvillon strategjinë e teknologjisë informative në Universitetin e Prishtinës, në përputhje me objektivat institucionale dhe standardet bashkëkohore.
• Vendos politika, standarde dhe rregullore për harduerin, softuerin, rrjetin dhe menaxhimin e të dhënave.
• Planifikon dhe koordinon projekte strategjike të TI-së, duke siguruar integrim, qëndrueshmëri dhe zhvillim të vazhdueshëm të sistemeve elektronike.
• Udhëheq zhvillimin dhe zbatimin e platformave digjitale universitare, përfshirë sistemet akademike, administrative dhe platformat për mësim në distancë (e-learning).
• Siguron modernizimin dhe mirëmbajtjen e infrastrukturës së TI-së në të gjitha njësitë akademike dhe administrative të UP-së.
• Koordinon shërbimet e TI-së për regjistrimin e studentëve, ndërlidhjen e njësive dhe funksionimin e rrjetit universitar.
• Menaxhon dhe zhvillon kapacitetet profesionale të stafit të Departamentit të TI-së.
• Harton dhe propozon buxhetin vjetor për teknologjinë informative, duke siguruar përdorim racional dhe strategjik të resurseve.

Përgjegjësitë institucionale

• Mban përgjegjësi të plotë për sigurinë, stabilitetin dhe disponueshmërinë e sistemeve informatike dhe të dhënave të Universitetit.
• Siguron përputhshmërinë e zgjidhjeve teknologjike me standardet kombëtare dhe ndërkombëtare të sigurisë dhe qeverisjes digjitale.
• Garantues i ofrimit të shërbimeve të TI-së cilësore, të qëndrueshme dhe të besueshme për studentët, stafin akademik dhe administrativ.
• Mbikëqyr zbatimin e politikave të sigurisë së informacionit dhe mbrojtjes së të dhënave.
• Raporton dhe i përgjigjet drejtpërdrejt Sekretarit të Përgjithshëm për performancën dhe zhvillimin e Departamentit të Teknologjisë Informative.