I nderuar personel akademik i Universitetit të  Prishtinës,

ju ftojmë të merrni pjesë në koncertet e edicionit te 16-të të Chopin Piano Fest Prishtina, i cili do të mbahet nga 7 maji deri më 10 qershor 2026 në Prishtinë. 

Bashkëngjitur gjeni programin e plotë të festivalit.

Edicioni i sivjetshëm sjell një program të pasur me artistë vendorë dhe ndërkombëtarë, duke përfshirë pianistë të njohur dhe laureatë të Konkursit Ndërkombëtar „Chopin”. Festivali do të hapet më 7 maj, në shënim të Ditës së Evropës, ndërsa do të përmbyllet me 2 koncertet finale në „Klan Arena”. 

ChopinPianoFEST Prishtina është një ngjarje tradicionale dhe e rëndësishme kulturore, e organizuar nga Asociacioni Kosovar „Chopin"  në partneritet me Universitetin e Prishtinës.

Festivali udhëhiqet nga personeli akademik, nën drejtimin e prof. Lejla Pula dhe prof. assoc. Besa Luzha, në bashkëpunim me kolegë, studentë dhe alumni të Universitetit të Prishtinës. 

Chopin Piano Fest Prishtina | Kosovo Chopin Association 

Hajdar Dushi 33/4 Prishtinë-Republika e Kosovës

🌐 http://www.chopinfest.org/

Facebook | Instagram